حاولت فى يوم انساك...نهى هيكل

حاولت فى يوم انساك 
انسى هواك
انسى حبك وادوس على قلبى
واموت الحب  جوايا وجوا قلبك
لكن ده كان صعب عليا

انسى انى فى يوم سلمت ليك قلبى
انسى حبى ليك

 واطوى صفحة فى حياتى كتبتها باسمك
حاولت كتير ابعد فكرى عنك

 اموت احساسى ومشاعرى

واعيش من غير حبك
كان اصعب شئ عليا

كنت بادبح نفسى وباتألم
باصرخ جوايا وما حدش سامعنى
موجوعه انا كنت فى قلبى

 احساس الخيانه كان صعب عليا
ليه تخون قلب حبك واداك قلبه

خلاك دنيته
اصعب شئ جرحنى

يوم ما اكتشفت خيانتك ليا
كنت باموت من جوايا

وعينيا الدموع فيها كانت بتئلمنى
شفت حياتى بتنتهى ادام عينيا
قلبى بيتقتل انجرح منك
بعد الحب ده كله يجى الغدر منك
بعد ما اديتك حب يملا عليك الدنيا
تخدعنى تغدر وتخونى 
ليه الحب بقى رخيص كده عندك

ليه بقى

مالهوش عندك معنى
تبيع قلبى وحبى ليك

من غير ضمير
اتارى قلبى كان لعبه فى ايديك 
يا خساره الحب ده ماكانش ليك ابدا
يا خساره الحب معاك ظلمته
كسرته جرحته
بريئ منك ومن اللى فيه عملته