يا حبى الاوحد

يا حبى الاوحد

يا احلى غرام يا همس الكلام

يا ورد البستان

يا نسمة كل صباح وعبير كل مساء

يا غنوه حلوه بيغنيها قلبى مع صوت الكروان

يا حب عمر كنت من زمان باتمناه

يا حب يتوه فيه الكلام

يا نبض القلب يا حلم عمر لي باتمناه

يا شوق قلبى يا نور عينىا يا دنيا حلوه يا احلى غرام

قوللى اعيش انا من غيرك ازاى

يا ام الضحكه الحلوه الشقيه

يا حلوه يا ام العيون العسليه
يا ام الضحكه الحلوه الشقيه
اه منك انت

ومن ضحكتك
ضحكه مجلجله

ليها الدنيا ترقص

والارض تغنيلها
حتى بسمتك الحلوه

 بتدلع على خدودك
اه منهم خدودك

اه منهم خلونى اتمنى المسهم

 سبحان من خلقهم
يا ربى

ورود فى بساتين القلوب بتتمايل

سحرهم ربانى
ويا سلام عليكى

لما نور الشمس يدخل يصبح

عليكى

يصبح
احلى صباح ليكى

ده بيبوس

الايدين وكمان الخدين

ده بيتغزل فيكى

يا احلى صباح

باتمناه بس لي

اه منك لما تدارى عيونك

منى بنظره حلوه مستحيه

بتاخدنى منى واتمنى اخطفها

منك لي

اه منها ضحكتها
اه منها ومن عيونها العسليه
البنت الحلوه الشقيه

نهى

سلت الحزن

سالت الحزن مالك كده فارد جناحتك

علينا 

طاير بينا هنا وهناك

نازل تطويح فينا

اول ما تلاقينى بنحاول 

نهرب منك

تمسك فينا وتخنقنا

تكونش فاكر روحك وصى علينا

ياخى ارحمنا بقى 

وسيبنا للفرح شويه يطير بينا

انت ايه عزرائيل حالف لتقبض 

ارواحنا ومن دنيتنا تاخدنا

سودت الدنيا فى عينينا

خليتنا نكره اليوم اللى شوفنا فيه دنيتنا

مش مخلينا منك ناخد نفسنا

ارحمنا شويه وسيبنا لحالنا

سيبنا ندوق الفرح ولو فى العمر 

مره

سجنتنا جواك وراح العمر معاك

عجزنا قبل الاوان

ووشوشنا بيك اتلونت

حرمتنا من مية الحياه

يا عم الحزن ارحم بقى

فتنا وارحل عنا بقى

سيبنا نعيش ونفرح شويه

نهى

الدمعه يا حلوه فى عينيكى

الدمعه يا حلوه فى عينيكى
ليها سحر غريب
تقوليش نجمه فى سما عينيكى
الحلوين
تجمه بتضوى تاخد الروح
والقلب وراها يجرى
وتتمنى تلمسها الايد
جمالك يا حلوه ده جمال ما يختلفش
عليه اتنين
قمر يا ربى
لا بدر منور يشفى
القلب العليل
تتوه فيه قلوب الملاين
جمالك ده والله ما شفت زيه
ابدا ده غلب سحر بنات باريس
بنات باريس ايه جنبك انتى
يا سحر الشرق انت
يا حلوة الحلوين
قوامك ده والله قوام غزال
ماشى بيتمايل بيرقص
والارض تحت رجليكى
تقوليش زلزال وبراكين
العين عليكى فين ما تروحى
اصمالله عليكى الله اكبر
من عيون كل الحاسدين
اما ضحكتك دى والله حكايه
عليكى ضحكه يا بنت الايه
تموت تسحر
تخلى القلوب ليكى تسلم
وتبوس الخدين
ولا بسمتك الله عليها تجنن العاقلين
اوصف فيكى واقول ايه تانى
ده انتى اللى فى جمالك
اسهرله اغنى طول الليل

نهى

البخت مايل والحظ ما فيش

البخت مايل والحظ ما فيش

الدنيا مالها ليه كده مكشره فى وش الغلابه والمساكين

ليه مدياهم الوش الحزين

ليه اخدت منهم كل حاجه وليهم ما سبتش غير الهم والحزن ودموع العين

ليه  دايما مخاصمه ايامهم وخلتهم للحياه كارهين

ليه حابه دايما تشوف الحزن مرسوم على وشوشهم ودموعهم فيها

 غرقانين

ليه يا دنيا خليتى الغنى يدوس على الفقير

ليه يظلم ليه يسرق منه الفرحه ويسقيه الحزن ده بجد ما عندوش

 ضمير

سايبه ليه الغنى يموت الفقير يسود ايامه ويسرق منه عمره ويخليه

دايما حزين

العدل فين يا دنيا الانصاف راح فين

الرحمه راحت من قلوبهم دول بجد مش بنى ادمين

فين حيروحوا من رب العباد ده هو القادر على كل شئ

نهى

يا مراكبى الغرام

يا مراكبى الغرام

غرامك ليه ما بقاش على البال

مركبتك مالها ليه مال حالها

جرالك ايه يا مراكبى

احبابك فين راحوا

غيبت وغابوا ورحلوا عنك

سافرت وبعدت ليه عنهم

خاصمت ليه دنيتهم

راحت عليك ولا ايه يا مراكبى

زمنك راح وولى 

ولا الاحباب خلاص يئسوا

منك

خدت معاك الفرح وعن الدنيا رحلت

فين رسيت يا مراكبى

فين اراضيك يا مراكبى

تهت منا وتهنا منك

وقلوبنا تاهت منا

نهى

يا فرح فينك ليه غايب عن عينينا

يا فرح فينك ليه غايب عن عينينا

امتى بس تجينا

مخاصم ليه ليالينا

غضبان ليه علينا

سايب الحزن ليه يتحكم فينا

ده قطر سريع ماشى بينا

مش راضى يسيبنا ده متبت فينا

حالف لياخدنا بعيد ويطوح فينا

عايز يسود ايامنا ويحفر اسمه على بابنا

ليه يا فرح مش راضى تقاومه

ليه سلمتنا ليه ورحلت عنا

ده انت كنت املنا

مش راضى ليه عنا

ليه كده غيبت فجأه عنا

وسيبتنا فى توهه وخلتنا نبكى على ايامنا

ماشين بقينا فى عتمه

طريق مسدود فيه الحزن اخدنا

لا عارفين نهرب منه ولا حتى نوصل لاخره

الحزن بقى عنوان باب بيتنا

عشش جوانا وسكن بيوتنا

بقى منا واحنا بقينا منه

نهى

فينك يا بويا

السكة صعبة يا بويا والدنيا شايفاها سودا فى عينى

الهم والحزن ركبونى و لطريق غريب اخدونى

لا شفت نور الشمس نور طريقى

ولا حتى نور القمر نور عتمة سنينى

تقولش انكتب عليا الحزن والهم 

من يوم ما فتحت على الدنيا عينى

لا معايا اللى ينورلى طريقى ولا يزيح عنى عتمة سنينى

ليا رب كريم ماليش غيره

قادر على اللى ما يقدرش عليه غيره

قلبى موجوع يا بويا 

والدموع ماليه عينى

فينك يا بويا 
تمسح عنى دموع عينى

الله يرحمك يا بويا
ده انت كنت نور عينى

نهى

حبنا يا اللى معاك ابتدى عمرنا

حبنا يا  اللى معاك ابتدى عمرنا
يا اجمل كلمه جمعت ما بين قلبنا
يا احلى احساس اتولد فى قلبنا

يا نغم عمرنا

يا احلى لحن اتعزف رقصت

عليه دقات قلبنا

يا احلى مشاعر بنعيشها من يوم

ما قابلتنا

يا حلم عمرنا

ياللى معاك اترسمت البسمه

على شفايفنا

يا اللى معاك لقينا روحنا بعد

ما كانت تايهه مننا

يا اللى معاك الدنيا ضحكتلنا

يا اللى خليت الحزن غاب عننا

بيك ومعاك بنكمل بعضنا

 نهى

نظرة العيون

اول ميعاد بينهم

كان احلى ما كان بينهم

نظرة العيون كان ليها سحرما بينهم

النظره قابلت النظره

رقصت معاهم احلى رقصه

الشفايف منها الكلام راح

واترسم عليها بسمه كانت زى النسمه

العيون اتكلموا كان كلامهم انغام

لحن حبهم اتمايلت عليه رموشهم

واحمرت الخدود لما ايديهم حضنتهم

الدنيا معاهم كان ليها طعم ولون جديد

اترسم عليها حبهم بكلام عيونهم

واحساسهم ببعضهم

الدنيا اتعطرت بعطر حبهم

والورد فى الجناين فتح قبل الربيع

على حبهم

هبت عليهم نسايم الربيع خلوا الدنيا

ربيع فى ربيع

كان يوم لقاهم احلى ايام حياتهم

يوم اتكتب عيد فى عمرهم

ده كان احلى يوم فى عمرهم

نهى

انا قلبى دقاته حزينه

أنا قلبي دقاته حزينه

واخد على خاطره من الدنيا

وكل الناس اللى فيها

الدنيا دى بجد غريبه

ليه انا دايما معايا معانده

مخصمانى ومبكيه عينى

ليه مستكتره عليا الفرحه

ليه دايما فى الحزن مسجونه

ليه مش راضيه تصالحينى

خليتى الايام سودا فى عينى

جايه عليا قوى انت يا دنيا

من زمان حتى وانا طفله

بريئه

ما اعرفش ليه

حظى معاكى كده

ألم وحزن و دموع كتيره

معاكى العمر فى الاحزان ضاع

ولسه الباقى مليان جراح

مش شايفه غير سواد

كاسى الايام والعمر كمان

شايفاه بيروح اوام

نفسى ولو يوم تصالحينى يا دنيا

افرح فيه وانسى الحزن 

واحقق حلم عمر

نفسى احلامى تتجمع واشوفها

حقيقه ولو فى العمر مره

يوم من عمرى نفسى اعيش

فيه الفرحه

يفرح معايا القلب

 والعين

تغيب عنها الدمعه

كتير ده عليا يا دنيا

نفسى بجد اعرف

نهى

بلاش تقسى عليا

بلاش تقسى

عليا

 خلى قلبك حنين

عليا

ليه دايما عنى غايب

وانت عارف اد ايه شوقى ليك

 رايح

ده برده حبك ليا ولا ايه 

يكون يا اغلى من نورعينيا

ليه دايما عليك ملهوف قلبى

وانت ولا بتسال حتى عنى

ليه قلبك كده قاسى 

ليه احساسك بيا غايب 

ليه حساك دايما مش مهتم لحالى

انا وحدى فى حبك باقاسى

وانت حتى ولا على بالك

مش راضى تريح بالى

ولا حتى صعبان عليك

حالى

جيبت القسوه دى منين يا غالى

ليه قلبك كده متغير حاله

ليه دايما لقياه مشغول عنى

وانا اللى لوحدى شايله همى

ليل ونهار بابكى 

قلبى من جوايا بيبكى

حزين صعبان عليه حالى

حاسس باللى بيا وانت ولا

انت دارى بيا

طب قوللى اعمل ايه فى قلبى

خايفه عليه ليضيع ويموت منى

خايفه لفيوم اصحى على انين

طالع منه 

انين يوجع يئلم يخلى القلب الميت

يصحى

قوللى اعمل ايه يا غالى

ده القلب ليك مشتاق محتاج

حن وميل بقى 

ده القلب خلاص 

منك بكى

نهى

قسوة الحب

رشفت رشفة
 من فنجان قهوتها الساخنه
 فبكت شفتاها حرقة 
حين تذكرت تقبيل شفتاه لها
 بقبلة حارقه
وتسآلت 
لما يقسوا عليها هكذا 
هل الحب عنده سوط به يجلدها
هى تعلم 
 ان الحب عذاب وبكاء و اشتياق والم
 ولكن عذاب حبه اشدهم
عذاب حبه
 جحيم بركان نشط
 فيه القاها و تركها تشقى وتتذوق 
عذاب حرقته
وحيدة ظلت فيه لا يشاركها عذابه 
وتسآلت باكيه
لما يا حبيب القلب عليا تقسوا هكذا
حبي لك
 اصبح لي عذاب و شقاء
 سوط يقطع جسدي
 كلما طال البعد بيننا
اصبحت اكره 
الايام والشهور التي تقف حاجز دون لقاءنا
اصبحت اريد ان احرق 
الظروف التي تفصل بيننا
اصبحت اريد ان اخنق 
بيداي كل من يحاول التفريق بيننا
اخبرني حبيبي 
هل تشعر بكل ما اشعر به انا
ام انا وحدي من تشعر بكل هذا 
وبه اتعذب

نهى