السكة صعبة يا بويا والدنيا شايفاها سودا فى عينى
الهم والحزن ركبونى و لطريق غريب اخدونى
لا شفت نور الشمس نور طريقى
ولا حتى نور القمر نور عتمة سنينى
تقولش انكتب عليا الحزن والهم
من يوم ما فتحت على الدنيا عينى
لا معايا اللى ينورلى طريقى ولا يزيح عنى عتمة سنينى
ليا رب كريم ماليش غيره
قادر على اللى ما يقدرش عليه غيره
قلبى موجوع يا بويا
والدموع ماليه عينى
فينك يا بويا
تمسح عنى دموع عينى
تمسح عنى دموع عينى
الله يرحمك يا بويا
ده انت كنت نور عينى
ده انت كنت نور عينى
نهى
No comments:
Post a Comment