عارف يا اللى قاعد تحت النخله وحاطط ايدك على خدك تشكى غلبك بس لربك
اول ما حد يعدى عليك ويسالك مالك يا عم شايل كده ليه الهم
وانت بنظرة من عينيك ترميله ضحكه كلها حزن ومرار تخلى الحزن منها يبكى
تقوله مالى غير ربى اشكبله همى وغلبى
ده مافيش غيره هو بس اللى بيسمعنى وبيفهمنى
حاسس بيا وعارف اللى بيا
وحده قادر يفك عنى كربى ده ربى وربك كريم اوى يا ابنى
هو بس اللى عارفنى من غير ما اتكلم واحكى
هو عارف كل حاجه عنى
ضحكتى يا ابنى دى متغمسه بحزنى ضحكه تخلى الناس تبكى
ضحكه ابدا ما تخدع اللى حاسسنى
لا انت ولا غيرك هيفهمنى ولا حتى يقدر يساعدنى
ويشيل عنى حزنى
دى الشكوى لغير الله والله يا ابنى مزله
توكل على ربك وسيبنى انا للى فاهمنى وحاسسنى
ده القلب موجوع ودواه بس عند ربه
نهى
No comments:
Post a Comment