باعشق انفاسك ... نهى هيكل

باعشق انفاسك

باعشق انفاسك

باعشق احساس الشوق وانا فى احضانك

باعشق كل همسة حب منك لما بتاخدنى لحضنك

باعشق كل لحظة حب وانا بين ايديك

وعينيا بتكلم عينيك

بتدوبنى فيك

باعشق لحظة لقاك

بعد البعاد

بعشق صوتك لما بتهمسلى

بحبك

همسة ...بحبك ...منك

بتخلينى نار زى الجمره

نار حبك ليا جنه

وقلبك ليا بستان عشق

باحلم اكون فيه جنبك

اتنفس فيك عبير الحب

باعشق نظرة عينيك

فيها كلام كتير

تقوله العين للعين

من غير كلمه ولا حتى همسه

باعشق لون عينيك

فيهم سحر غريب

هدوء غريب

لكن بيقول كتير
باعشق كل كلمه باكتبها ليك

كل حرف بارسمه باحساسى بيك

كل سطر بالاقيه عاشق لكلامى ليك
باحس بالامان وانا باكتب ليك

كانى بين ايديك

راحه غريبه باحسها وانا بين احضان ايديك

اجى اوصفلك احساسى بيك

الاقينى مش عارفه اقول ولا كلمه
ليك

بيك انا عايشه حلم جميل

باتمنى اكون فيه معاك

على طول

حبه واخدني مني

حبه واخدني منى ... قلبي من شوقي ليه بيبكي...واحشني ...كان لسه مقابلني ...قلبه بحبه ...حضنه كمان عشقته...ده كل دقه فيه بتدق في قلبي... حاساه جوه مني ...قريب اوي مني بيسعدني ...يبعد ابكي و الحزن يصاحبني ...ادور عليه بين حروفي ... اشتاق لكل حرف كتبته ليه بدموعي... اشتاق له اكتر ... الاقي عينيا بتشكي بتبكي ...ارجع أفكر فيه اكتر ...الاقي روحي مني بتهرب ... اخد قلمي و ليه اكتب ... احساسي و مشاعري بدموعي علي ورقي احكي ... الاقي نار جوايا بتحرق فيا ... وافضل ابكي ... اعمل ايه... ده شوقي ليه غالبني وواخدني ... حبه بجد واخدني مني خالاني عايزه اسيب الدنيا و الاقي روحي في حضنه ...ده حضنه ليا الدنيا وما فيها ... ده كفايه عليا انه فيها ... حياتي هو... عمري هو... قلبي وروحي ... ملكه هو ... ده جنة حب اخدني ليها ... عشقته و عشقت جنة حبه ... عايزه افضل طول العمر معاه ساكنه فيها

وعدتك وخلفت الوعد

وعدتك ما احبكش ... لكن قلبى خانى وخلفت الوعد ... الحب لا بايدى ولا بايدك ... ده قدر ونصيب ... ما اقدرش اقوله لأ ... الحب ده اكبر خدعه ... ياخدك منك من غير ما يقولك ... مكار الحب عرفته ... دخل قلبى وسرق منه كل دقه وكل نبضه ... سكن واتربع على عرشه ... نور القلب ده نوره زى نور الشمس ... خلاه اسعد قلب ... طار به فى السما عالى ... جنه لقيته الحب ... ده انا منه كنت تايهه بعيده اوى عنه ... حبيت الحب لما جمعنى بقلب بلون الورد وطعم الشهد ... قلب مالوش وصف ... منه مافيش ولا حتى له شبيه ...ده فريد ... ده قلب كبير

نهى

حاقولك كلمتين

حاقولك كلمتين من قلبي لقلبك كتبتهوملك بدموع العين كلمتين مالهومش تالت دول احساسي بيك من غير ما اقولهم دول في عينيا ليك مرسومين لو ايديك حضنت ايديا فيهم حتلاقيهم ليك محسوسين دول كلمتين جوايا مش مكتوبين وباحساسك بيا حتلاقيهم ليك واضحين في نظره في لمسه في تنهيده في شوق عينيا في كل رمشه ودمعة عين هما كلمتين ليك بس مخلوقين ياتري ليك معروفين ولا محتاج مني توضيح
 

ايها الوتر المعزوف

ﺍﻳﻬﺎ ﺍﻟﻮﺗﺮ ﺍﻟﻤﻌﺰﻭﻑ ﺑﻴﺪ ﻓﻨﺎﻥ ... ﻳﺎ ﻧﻐﻤﺔ ﺗﻨﺒﻌﺚ ﻣﻦ ﻛﻞ ﺣﺮﻑ ﻟﻜﻠﻤﺔ نعشقها النساء ... ﻳﺎ ﺑﻴﺘﺎ ﻓﻰ ﻗﺼﻴﺪﺓ ﻛﺘﺒﺖ ﻟﺘﺨﻠﺪ ﻋﺒﺮ ﺍﻻ‌ﺯﻣﺎﻥ ... ﻳﺎ ﻧﺠﻤﺎ ﺳﺎﻃﻊ ﺗﺘﺰﻳﻦ ﺑﻪ ﺍﻟﺴﻤﺎﺀ ﻭﺗﻐﺎﺭ ﻣﻨﻪ ﺑﺎﻗﻰ ﺍﻟﻨﺠﻤﺎﺕ ﻓﺘﺘﻮﺍﺭﻯ ﻋﻦ ﺍﻻ‌ﻧﻈﺎﺭ ﻟﻴﺪﺍﻋﺒﻚ ﻗﻤﺮ ﺍﻟﻠﻴﻞ ﺑﺎﺟﻤﻞ ﺍﻟﻨﺴﻤﺎﺕ ... ﻳﺎ ﻭﺭﺩﺓ ﻟﻢ ﻳﺨﻠﻖ ﻣﺜﻠﻬﺎ ﻓﻰ ﺍﻯ ﺑﺴﺘﺎﻥ ... ﻳﺎ ﺍﻧﺸﻮﺩﺓ ﺣﺐ ﺗﻌﺰﻑ ﻋﻠﻰ ﺍﻭﺗﺎﺭ ﺍﻟﻘﻠﺐ ﺗﺎﺧﺬ ﺍﻟﺮﻭﺡ ﻭﻳﻄﻴﺮ ﺑﻬﺎ ﺍﻟﻌﻘﻞ ﺍﻟﻰ ﻣﺎ ﺑﻌﺪ ﺍﻟﺴﻤﺎﺀ

تعبت من الشوق

تعبت من الشوق والشوق كمان منك تعب و بكي حيران معايا يا شوق قلبي ما بيني وما بين قلبه يغيب عني مش يوم ولا اتنين لا اكتر من كده بكتير القلب يشكي منه يتآلم يبكي مش قادر يتكلم يعمل ايه يا عيني عليه مغلوب علي امره لمين يشتكي همه ده ما فيش غيري يشيل همي وهمه اه يا عيني عليك يا قلبي الحزن طالك و طالني ده بعده عنا طول و الشوق خلاص جوانا قرب يتكلم ده بجد حساه قرب يتجنن احساس صعب عليا وعليك يا قلبي ده نار جوانا بتحرقنا وايه الحل مش عارفه خلينا يا قلبي علي حالنا صابرين يمكن في
 يوم الصبر يفرحنا

تزعل مني

تزعل مني و الله ازعل انا منك ليه تغضب و تقول مش جايلك عملت انا ايه يخلي الزعل يدخل ما بينا غلطانه انا في ايه يخليك تسيبني و تغيب عني وتقول زعلان خلاص منك انا مش جايلك انسي بلاش احسن نتكلم طب انا عايزه بجد افهم عملت ايه علشان مني تغضب و تزعل غلطت في حقك قوللي و اصالحك بس بلاش خصام وبعاد ده انا عنك والله ما اقدر ابعد تعالي نتقابل و نتصالح تعالي خدني في حضنك ده انا مشتاقه بجد لحضنك

علي قد زعلي منك

علي قد زعلي منك برده قلبي بشوقه رايحلك زعلانه انا بجد منك واخده علي خاطري منك لكن روحي واخداني ليك مش قادره افضل زعلانه منك روحي قالتلي سامحي بلاش زعل منه ده انت قلبك مش ممكن يطاوعك و يسيبك تزعلي منه بلاش تعاندي قلبك ده انتي روحك جوا منه ازاي تزعلي منه ده قلبك واخده منك مش ممكن تقدري تبعدي عنه حتي ولو لثانيه ارجعي لقلبك خليه يدلك حيقولك اوعي تسيبيه ولا يوم بعيد عنك ده انتي روحه و هو روحك قلب واحد الحب جمعكم مش ممكن في يوم يفرقكم

قلبي بيبكي

قلبي بيبكي زعلان اوي منك موجوع بيتألم جوايا حساه حزين بيصرخ مكسور يا عيني عليه مش عارف يعمل ايه قوله من قلبك زعلان واخد علي خاطره منه ليه زعلته منك ده روحه فيك و عنك ولا يوم يقدر ابدا يبعد يرضيك يعني ينام زعلان بيبكي حزين علي اللي حصل بينا ليه تعمل كده في قلبي ده قلبي بيعشق قلبك بيموت لو تزعل مني بلاش تقسي علي قلبي صالجه و ليك ضمه ده مشتاق تاخده في حضنك

عشقاك

عشقاك ...عاشقه الحب معاك...عاشقه البسمه المرسومه في عيونك.... عاشقه اللمسه من ايديك ...عاشقه همس شفايفك لشفايفي... عاشقه الحضن منك ... بيدوبني بيخليني حاسه اني في جنه... عاشقه ضمتك اوي ليا ...وانت بتهمسلي بحبك ...ده حضني كان مشتاقلك ...عاشقه نظره عينيك لعينيا ... بتنده بتقوللي تعالي ليا ...محتاجلك دوبي فيا... اه لو تعرف اد ايه انا عشقاك وباموت من الشوق وانت عني بعيد بالايام...ما كنتش يوم تبعد عني ولا حتي ثانيه... ده انا قلبي دايب في هواك... دايما ليك مشتاق محتاج ... حتي ايديا دايما فاكره كل لمسه منك ليا ... الاقيها بتبكي محتاجه ايديك تلمسها ... اه لو تعرف اد ايه انا باتعذب ...طول الليل فيك بافكر ... احلم بطيفك يجيلي في المنام... و اعيش معاه احلي حب مالوش مكان بين الناس ...ده حب احنا اللي خلقناه بقلبي و قلبك... ده مكانه بس جوايا وجواك ده مخلوق يعيش معانا ... حب رسمناله طريق في قلوبنا ...معاه اتولدت من جديد قلوبنا ... معاه بدايه حياتنا ... عمر جديد ...وطريق جديد ... فيه حنمشي الايد في الايد...ده طريق اخترناه بقلوبنا ...واحساسنا ببعضنا