خلف ابواب القلب

خلف ابواب القلب صوت الحنين اليك يئن

دموع الاشتياق اغرقت ستائر القلب

دقات القلب طبول تدق معلنة عليك الحرب

تصرخ تنادى عليك

 ارفق بقلب يحترق من قسوة البعد

مشاعر واحاسيس تشتعل فى جوف الليل

وحيدة تشتاق لضمة منك

بركان هى اعصار مطر برق ورعد

الانتظار والترقب من وراء تافذة العين مؤلم 

نار تشتعل بداخلى تجعلنى احترق شوقا اليك

فتبكى العين

الى متى يا حبيب العمر سيطول البعد

متى سياتى اليوم الذى اجد فيه نفسى 

دائما معك

متى سنحطم عقارب الساعه التى تباعد بينى وبينك

متى سنقتل هذا الحاجز الذى يفصل بينى وبينك

متى سنعلن عليه الحرب

كان يوم حبك اجمل صدفه

انت يا انت 

انت ياحته منى 

يا قلبى وروحى والنينى

كلامى ليك انت

لانى ماليش الا انت

ليك من قلبى باقولهالك حبك غيرنى فى ثانيه

خلانى بقيت حاجه تانيه 

يوم حبك ده بعمرى اللى فات كله 

فيه حسيت ولاول مره بقلبى ودقاته

يومها قلبى سمعته بيتكلم بيغنى 

و بيرقص وبيعزف اجمل الحانه

بيقولى عيشى ومعاه اتهنى 

ده اللى كنتى بتحلمى تعيشى معاه

يوم من عمرى والله يا عمرى 

عمرى فى يوم ما هنساه

ده كان يوم من اجمل الايام

ده ادانى اللى كنت باحلم به من زمان وباتمناه 

فيك ومعاك وبك لقتنى نسيت عمرى اللى فات

ومعاك ابتديت عمر تانى كنت باحلم اعيشه من زمان

ليك باهديلك قلبى وروحى والباقى من عمرى

ده انت بقيت عمرى يا عمرى

قلبى ده خلاص بقى ملكك 

اوعى فى يوم تنسى انه حبك 

خليه دايما جواك عايش معاك 

ده حبك اوى باخلاص

ليك باقولهالك من قلبى

كان يوم حبك اجمل صدفه

قالولى انسيه

قالولى ده بعيد عنك 

انسيه ده نسيكى بلاش تعاندى

قلتلهم مهما يبعد عنى ده ساكن جوايا قلبى ده نن عينيا

فى قلبى ليه حكايات واشواق و دقات

ازاى انساه ده الروح ده القلب ده هو ليا حياه

سيبولى قلبى هو اللى بيريحنى 

سايبه روحى ليه يودينى ليه

مهما البعد بينا طال فى القلب هيفضل مكانه ازاى تقولوا انساه

معاه باحس انى عايشه فى جنه

عايشه على جزيره فى الجنه

فى مكان غير اى مكان

جزيره بعيده ابعد من الخيال

جزيره باحلم اعيش فيها معاه مافيهاش غير الحب عنوان

سيبونى وسيبولى اللى فاضل من عمرى اعيشه معاه

تعبت من الاحزان

مش جاى على بالى كلام
اصل الكلام جوايا خلاص مات
دى حروفى محبوسه ورا اسوار الاحزان
مشروخه مهزومه من قسوة الايام
مهما احاول اهرب من الاحزان
الاقيها بتجرى ورايا بالمسافات
محبوسه لقتنى جواها ومليتنى سواد
خلتنى اكره الحياه
والدنيا لقيتها ضايعه منى
هربانه غضبانه عليا
مش راضيه تدينى الامان
تعبت والياس اتمكن منى
خلانى مليانه جراح
دموعى جوايا بتقتلنى بتعذبنى
خلتنى شايفه الدنيا جحيم
وانا فيها باموت بطيئ
سؤال جوايا محيرنى
خلانى مش لاقيه ليه جواب
انا مين وفين مكانى وسط الناس
انسانه تايهه من نفسى
مش عارفه فين وامتى هالاقى نفسى
ده انا خلاص فقدت نفسى
وخدتنى الدنيا لعالم الاحزان
عالم مليان سواد
ليل ماىبيطلعلوش نهار
سجن وفيه اتسجنت
واتحكم علي ما اخرجش منه ليوم الممات
ضاع العمر خلاص مابقاش فيه امل للنجاه

نهى