دمعة عينى ... نهى هيكل

يا دمعه عينى مالك حيرانه ليه
حاسه بيكى حزينه  عايزه على خدى تسيلى
لكن عليا انت غاليه مش ممكن اخليكى تسيلى
حاسه بخانقتك جوا عينى 
لكن سامحينى مش بايدى 
حزينه انا
 والحزن اترسم فى عينى
 وبيكى  حاسه والاالم بيحرق فى عينى
قوليلى اشكى لمين حالى
اشكى لمين احزانى 
وحيده لقتنى فى الدنيا
 مش لاقيه اللى يشيل عنى المى
ظلمتك معايا يا دمعتى
 حزينه لقيتك سكنتى عينى
دموع الحزن كترت فى عينى  غرقت جواها دموع فرحة عينى
راحت وراح معاها نور عينى
والحزن كسى نين عينى
ليل اسود كحل عينى
منه خافت دموع عينى 
احساس الحزن جوايا
سود دموع عينى
وكسى حيطان قلبى  
وصرخت جوايا روحى
يا حزن
 ليه مش راضى تسيبنى 
ليه ساكن جوايا مش عايز تفارقنى
خليت دموعى تحزن وتصرخ جوا عينى
 بتعذبنى بتئلمنى بتموتنى
ارحمنى وارحم دموع عينى
خلتها حيرانه ومعاها حيرتنى
خنقتنى
عايزه ابكى
عايزه دموعى تسيل على خدى
 عايزه ارتاح  ومعايا يرتاح دمعى
 نفسى يا حزن تسيبنى وتريحنى

حضن دافى ... نهى هيكل

بين احضانك حبيبى

دايب قلبى

 محتاج حبك به يتدفى

بين احضانك حسيت بدفا غريب

خلى مشاعرى فيك تدوب

خلى احساسى بيك نار بركان

وزاد الحنين والشوق ليك

كل كلمة حب حلوه باكتبها ليك

الاقيها بين سطورى دايبه فيك

كل حرف فى كل كلمة حب

بتنهار بين ايديك لما بتشوفها عينيك

احساسى بيك وانا بين ايديك

عللى مشاعرى خلانى انهار قدام عينيك

ليا انت شايفاك قمر مالى الدنيا

منور ليلى وبيحلى فى عينيا الدنيا

بين احضانك لقتنى عايشه دنيا

غير الدنيا

زلزلت كيانى خلتنى نسيت فين مكانى

وعيشت فى حلم من اجمل احلامى

بين ايديك لقيت وعرفت مكانى

حضنك ده احلى مكان

يا كل حياتى

شعور جميل حسيته واتمنيته

ومعاك لقيته

بين كل دقه ودقه قى قلبى

حسيت انى باروح وباتاخد من نفسى

روحى لقيتها بتروح منى

وعينيا مش شايفه غيرك انت

بس فى كل الدنيا

هزيت مشاعرى فى ثانيه

حبيت الاحساس ده واتمنيت

اعيشه اكتر من كده بشويه

احساس غريب حسيته

رجليه مش قادره تشيلنى

حسيت انى فى السما طايره

ان مكانى اتغير فى ثانيه

حضنك اخدنى وطار بيا لفوق

خلانى احس انى طير

سعيد لقى اللى كان بيدور عليه

ضمنى – ضمنى

 حبيبى

نسينى الدنيا

وفى حصنك

خلينى عايشه احلى دنيا

ضمنى ولملم مشاعرى

دفينى بحبك وحنية قلبك

سيبنى اعيش لحظة حب حلوه

ده انا

قبلك كنت عايشه

فى غربه

غريب احساسى بيك انا عارفه

احساس باحتياج غريب

دفا محتاجه احس به

دفينى حبيبى فى حضنك

دوبنى

دوب برد عمرى

اللى فات كله

كمل جميلك إهداء الي الفريق السيسي حبيب الملايين..السيسي رئيس مصر

مطلب شعب ... نهى هيكل ...نداء ...الى الفريق اول عبد الفتاح السيسى

يا سيسى 
عايزك تبقى رئيسى
ده مطلب شعب واجب تنفيذه
تقول لا 
نقول دى ارادة شعب
اوعى تعاند و تقول لأ
شعب مصر 
خرجوا بالملاين 
طلبوا منك 
الارهاب من مصر تنهيه
فاكر يوم ما ناديته 
و طلبت منه يخرج يفوضك
سمع كلامك وخرج يأيدك
جه دورك يا سيسى تحقق للشعب مطلبه 
تعلن للرئاسه ترشحك
ضربه قويه للاخوان حتكون 
تقسم ظهرهم وتشلهم 
يلا يا سيسى
لبى نداء شعب مصر 
لبى وقول نعم للشعب
ثقتهم فيك 
كبيره مالهاش حد ولا وصف
انت الزعيم بارادة الشعب 
زعيم 
ناصر جديد حامى ارض مصر والشعب
امك ام الدنيا وامنا 
بتنادى عليك من قلبها 
يا ابنى يا سيسى يا ابن مصر
يا وطنى 
خدنى فى حضنك 
مد ايدك ليا ومن الارهاب انقذنى
اطلع بيا لاقدام
ده مافيش غيرك مخوف الاخوان
وواقف للغرب والامريكان
انقذ مصر يا سيى 
اوعى تقول
لشعب مصر
لا
اوعى تكسر ارادته 
اختياره ليك رئيس لكل مصر
مش بس لاهل وعشيره زى المخلوع ما كان 
اصله كان خاين وعميل وبايس جزمة الامريكان
الوطن 
بيناديك يا سيسى الشعب كله بيئيدك
قول لشعب مصر كلمتك 
ترشيحك رئيس ده امر خلاص اتحسم
السلام والامان وانقاذ الوطن
دول امانه فى رقبتك 
اوعى تتنازل عننا
شعب مصر
خلاص قال كلمته
انت يا سيسى رئيسى وده امر ولازم تنفذه

نهى

داري عني عيونك...نهي هيكل

داري عني عيونك

 ده سحرهم قتلني 

خلاني دوبت فيهم

 ياني منهم ومن لونهم

اول ما عينيا شافتهم 

حسيت بروحي رايحه ليهم

 عشقتهم من نظره

 فيك دوبوني 

يا ربي عليهم الله اكبر في عيون اللي يحسدوهم 

دول عيونك

 سحرهم ولا سحر عيون غزال

 دول من روحي ليك اخدوني 

اه منهم عيونك دول يقتلوا

 دول قتلوني

 حبيتهم وعشقتهم واتمنيتهم يكونولي 

نظرة عينيك دباحه دبحتني 

فيك موتتني دوبتني

 اه منك ومن عيونك

 شايفاهم دايما بيندهوني

 ليك بيشدوني

 بحبك وبعشقك 

يا عيون حبيبي

انت لست رجلا عاديا...نهي هيكل

انت لست رجلا عاديا

 انت رجلا يأتي في العمر مره واحده

 رجلا انتظرته وتمنيته

 انت رجلا لمسته للقلب كالحرير

 تجعل لك القمر يميل 

و يقبل الجبين

 وان نظرت للشمس 

تشتعل كالبركان

 و تجعل الارض تحترق و السماء 

 وان قابلت عيناك السماء

 ترعد و تبرق

 و تمطر وردا وزهرا 

اهين منك رجلا

 تجعل الشعر لك منحنيا 

و تسيل الكلمات علي السطور

 كالشلال 

و تغرق الورق

 قصائد حب وعشقا

 اما عيناك اهين منها 

تسحر

 حين ترمقني بها

 اموت فيك شوقا وعشقا

 واهين واهين من شفتيك

 جمر يحرق

 حين تلامسنى و تهمس لى

 اريدك اريد ان اروي عطشك منهم

فيزداد عطشي لهما 

 واقول لك

 ارويني اكثر

 فانا 

محتاجة مشتاقه لتزوق الحب منك

 اشبعني حبيبي حبا

 فانت 

رجلا لا يقاوم

 سحر رجولتك 

فاق سحر رجال الشرق و الغرب

محتاجه ليك....نهى هيكل

محتاجه ليك ... محتاجه تسمع

وتفهم

كل اللى جوايا ليك

انا جوايا حاجات كتير

ساعات بتبكينى وساعات بتفرحنى

وساعات بتخلينى عايزه اصرخ

باعلى صوت

اصرخ واقول

محتاجه تفهمنى ... محتاجه تعيشنى

محتاجه فى حضنك تاخدنى

وتسمعنى

تحس باحساسى بيك

تقرا اللى جوايا بعينيك

من غير كلام اقوله او حتى

على السطور تشوفوا

محتاجه تحسنى تضلل عليا

تدفينى بحنانك ... بحبك ليا

باهتمامك ... بسؤالك عليا

محتاجه ما تبعدش عنى بالايام

محتاجه معايا تتحدى الايام

نكسر الدقايق والثوانى والساعات

محتاجه

احكيلك واشكيلك على اللى بيا

ابكى وانا فى حضنك

ولمسة حنينه منك تمسح عنى

دمعى

تدينى الامان وتبعد عنى

الخوف من الايام

محتاجه لنظره من عينيك

تقوللى محتاجلك

 محتاج

لحبك ولحنان قلبك

محتاج تكونى جنبى

ولا يوم

عنى تبعدى ابدا

ده انا باعشق حبك

و احتياجك ليا انى اكون

دايما جنبك

محتاجه منك حاجات كتير

يمكن تقول ده كتير

لكن ابدا صدقنى ده احتياج

من قلب بيحبك

بيتمنى قربك

نفسى منك تقربنى

تفهمنى

وتقدر حبى 

عايزه اكونك انت... نهى هيكل

عايزه تاخدني بين ايديك

وعينيا تكون في عينيك

واسرح فيهم وفيك

نفسي اعيش في عينيك

لحظة حب

باتمناها بقالي كتير

نفسي المس نبض قلبك

نفسي اكون دقه واحده منه

اعيش احساسك بيا

نفسي اخدك بين احضاني

واسكن روحك

وتبقى كيانى

وابقي كيانك

عايزه ادوب فيك

بكل مشاعري

و احساس الحب

اللي باعيشه وانا جنبك

نفسي اكون دمعه

من دموع عينيك

تلمسها ساعة ما تنزل

وعلي ايديك تسيل

نفسي اعيش جواك

واسكن هواك

نفسي اكونك انت

اكون احساسك ومشاعرك

نفسي اتولد جواك من جديد

ابقي روحك

ابقى جوا عينيك

اعيشك لحظه بلحظه

نفسي اشاركك حزنك وفرحك

نفسي اكونلك

قلبك وروحك وعينيك

نفسي اكون

انا انت وانت انا

روح واحده

قلب واحد

ونبض واحد

نفسي

اكونك انت

طال غيابك عليا ... نهي هيكل

طال غيابك عليا 

اوعي تكون نستني

 ازعل اوي منك 

مش كفايه بعدك عني 

ولا حتي بتكلمني

 مشتاقه اسمع صوتك ده كتير كده اوي عليا 

مش قادره بجد خلاص اتحمل

حزينه بقالي كتير عايزه اقابلك

ده عذاب ده نار

 نار بعدك بتحرق فيا

 قولي لامتي حافضل اتحمل

 انا بجد تعبت محتاجه اخدك في حضني 

وتضمني ليك وتحس بشوقي ليك

 عينيا لعينيك مشتاقين

 واحشتني نظرة عينيك 

ولونهم اللي يجنن

 ده لونهم سحرني خلاني رحت لدنيا تانيه

 دوبت انا فيهم دوب و شوقي ليهم حيجنني 

يا غلبي ياانا منك

 والله قلبي نفسه في حضنك تاخده

 وبحبك وحنانك يتدفي

ده حضنك لقيت فيه دفا الدنيا كله 

حنان وامان وحب دافي 

وشوق كنت محتاجه ليهم من زمان

 قربني منك بلاش تبعدني كتير عنك 

ده انا والله بحبك

 وبادوب فيك وباعشق كل حاجه فيك

 نفسي اكونلك دنيا تتمني تسكنها 

وتلاقي فيها راحتك و وراحة قلبك 

تحس فيها بالامان وراحة البال

 ده عشقي ليك مالوش حدود

 ده عدي حتي كل البحور

حاسه بخانقه وديقه ... نهى هيكل

حاسه بخانقه وديقه
ليه الدنيا كده شايفاها غريبه
حتي العيشه صعبه
الناس خلاص مش طايقه
شايفه في عيون ناس كتيره
شكوي صامته ومرار و مشاكل كتيره 
مشاكل خنفت كل واحد فيهم 
حزن ودموع في عيونهم مسجونه
الم الفقر لقيته مرسوم في وشوش كتيره 
ناس مش لاقيه الامان فى اى مكان دى الحياه عليهم بقيت مريره
لا استقرار فى المعيشه 
ولا حتي شغلانه شريفه تساعدهم يعيشوا حياه كريمه
الناس من غلبها حطت همها في قلبها 
وخلت شكوتها لربها
قادر يفك كربها ويشيل عنها همها
الصبر مفتاح الفرج قالوا 
وادينا صابرين ما احنا بقالنا سنين
ساكتين وجوانا الهم شايلين

اشتقت ليك...نهي هيكل

اشتقت

 لصوتك وابتسامتك ولحضنك

 آسي قلبك اوي عليا 

مش وحشاك ولو حتي شويه

 دي كلمة وحشتيني منك مشتاقه انا ليها 

و حاتجنن اشوفها ولو حتى مكتوبه منك

 ليه الاسوة دي منك

 ليه ده انا بحبك 

تئسي ليه عليا

 كل ده علشان قلت محتاجه اكون معاك شويه

 طب اعمل ايه 

ما انت غايب

 عني ومحتاجه تقابلني

 ولو حتي شويه 

مشتاق قلبي ليك و كمان عينيا

 زعلان اوي قلبي حزين

 من بعدك عنه

 ده عذاب ليه وانا بابكي من شوقي ليك 

حنين قلبك انا عرفاه 

مش ممكن يسيبك تئسي عليا

 و تحرمني من اني اشوفك

 ولو حتي شويه