ابكى يا عين

ابكى يا عين
دموع ألم ... دموع ندم
ابكى
على اللي هويته ولقيته
فى يوم غدر
...

باصرخ آهات ... بانزف دموع
على اللى خان
على اللى جرح
حبيته وادانى الامل
هويته خان وغدر
كان هو عمرى كان كان قدرى
راح وسابنى
وقال وداع ... قال فراق
كنت باتمنى اعيش معاه
وعدنى بجنة حبه
وعيشت احلم بحبه
صحيت من النوم
لقيته كابوس
خلانى ابكى واقول
يا ريتنى فى يوم ما حبيت
كان وهم عيشنى فيه
وانا من طيبة قلبى
صدقته وامنت ليه
غرقت فى نهر حبه
اتاريه نهر كدبه
حبيته وهويته
ويارتنى ما حبيت ولا حتى هويت
ليلى بقى ليل جريح
زى الطير الجريح
حزين بيتالم من جرحه
بيبكى بيصرخ
ندمانه ومش قادره
اتحمل جرحه
سابنى وراح
وفات معايا جراح و ذكريات
حياتى شمعتها انطفت
من يوم ما سابنى وهجر
خلاص خلصت الحكايه
كده
وكتبت النهايه
وداع وفراق الى الابد