يا حلوه يا ام العيون العسليه ... نهى هيكل

يا حلوه يا ام العيون العسليه
يا ام الضحكه الحلوه المستحيه
اه منك ومن ضحكتك الشقيه
طالعه من قلبك مجلجله
حتى البسمه الحلوه الشقيه
 بتدلع على خدودها
اه منهم سبحان من خلقهم
 تفاحتين
حمارهم ولا حمار ورده حمرا
فى الجناين الكل عايز يقطفها
يا سلام عليها لما تصحى الصبحيه
تلاقى الشمس داخله ليها من شباكها
بتغازلها
تدارى عيونها منها وتضحكلها
ضحكه شقيه
الشمس ليها تشدها
ولشباكها تاخدها
تلاقى الدنيا كلها مستنيه تصبح
عليها وتخطف منها بسمه حلوه
على الصبحيه
حتى العصافير
مستنيه طلتها من الفجريه
تصبح عليها وتغنيلها
غنوه حلوه ليها شفايفها تتبسم
بسمه حلوه مستحيه
اه منها ومن عيونها العسليه
البنت الحلوه الشقيه

نهى هيكل