طول ما انت بعيد عنى
قلبى
حزين بيبكى
والشوق بيعذب فيه
مش عارفه حتى اواسيه
كل ما احاول اهديه
الاقيه بيصرخ ودقه عمال يزيد
بيئلمنى مخلينى ابكى منه
خلا الحزن جوايا منه بيشكى
طب اعمل ايه يا قلبى
حبيبى بعيد عنى
وانا فى بعده الوحده بتقتلنى
والضحكه غابت عنى وعنك
حالك من حالى يا قلبى
ولمين بس اشكى حالى
ده عذاب البعد بيوجع
خلى الدنيا فى عينيا اسودت
لامتى بعده عنا يا قلبى
حيطول
ده انا خلاص مش قادره
بجد اتحمل
حبيته حب مش عادى
حب غريب غير اى حب تانى
حبيته بكل ما فيا
اديته احساسى ومشاعرى
وعمرى ما كنت من حبه باعانى
كنت من غيره وحيده
والدنيا من زمان خاصمتنى
وخطفت منى البسمه والضحكه
لكن فى يوم رجعت وصالحتنى
وهديتنى بالحب اللى طول عمرى
كنت باحلم فى يوم اقابله
رجعتلى الضحكه والبسمه
خلت حياتى ماليها الفرحه
بشويش عليا يا دنيا
قلبى بجد مش مستحمل
بشويش علينا ده احنا ما صدقنا
لقينا الفرحه
هدى شويه يا دنيا
اوعى منا تانى تاخدى الفرحه
امانه عليكى يا دنيا
خلى حبيبى قلبه ليا ياخده
ويجيلى بالضحكه والبسمه
ولحضنه ياخدنى
وعليه يطمن قلبى
No comments:
Post a Comment