عشت ليله بخيالى معاك
سرحت فيك واخدنى خيالى لبعيد معاك
سافرت معاك فى بحور الخيال
ركبت معاك سفينة هواك
عدينا بحور النسيان
خاصمنا ايام الاحزان
واخدنا الحب وطار بينا
لابعد من الخيال
عالم تانى عيشنا ليله فيه
لا سألنا روحنا فين رايحين
ولا ليه سيبنا روحنا لخيالنا
من غير ولا لحظة تفكير
اخدتنا روحنا لليله من اجمل الليالى
عشنا بخيالنا فى بحورغرامنا..
ضاعت منا مجاديف الغرام
فجأه
لقينا روحنا وسط بحور الغرام
تايهين مش عارفين احنا فين
نسينا نفكر
وسيبنا روحنا تاخدنا اللحظه
حبينا ضياع مجاديفنا
ولا فكرنا ازاى حتى نرجعها
حبينا ضياعنا فى بحر غرامنا
حسينا
انناعايشين فى جنه
احساسنا بقى مركبنا
بياخدنا وبيجيبنا
نسينا احزانا نسينا دموعنا
نسينا ايامنا الباكيه
عيشنا فى جنة بساتين الحب
ورود وزهور وفل وياسمين
وريحان وقرنفل وعطرمسك الليل
دنيا تانيه عالم تانى عيشنا
فيه بخيالنا ليله من اجمل
ليالى العمر حلم وفيه عيشنا
باحساس الحب
حبينا خيالنا واتمنينا به نعيش
طول العمر
نهى
No comments:
Post a Comment