حلم العمر لقيتك
جوه فى قلبى ساكن حبيتك
غيبت كتير عنى
ومن قلبى اتمنيتك
طول العمرعليك كنت بادور
عمرى عدى منى سريع
قطر سريع اخد منى احلى سنين
عمر ما قلبى صادف قلب
يوقف قطر العمر
مشوار طويل قلبى مشيه
وحيد عاش سنين كتير
لا صاحب ولا حتى ونيس
وحدة قلبى وغربته جوه منى
قتلونى خلونى حزينه طول عمرى
توهت منى من اول
مشوار عمرى
لقتنى بادور على حلم عمرى
مش قادره اشوف ملامحه
سراب كنت باشوفه وباتمنى يقرب منى
واعرف مين هو
طريق حياتى لقيته مالوش معنى
سالت نفسى
ازاى انا كنت عايشه
ده انا كنت مقتوله جوه منى
عايشه ومش عايشه
واسمى ليا ما كانش له معنى
اتمنيت فى يوم الاقى طريق
ما فيهوش ظلام ما فيهوش سراب
ولا وحده ولا غربه
ومحطه قلبى عليها يرسى
عمرى عدى منى وما كانش له معنى
ما شفتش فيه غير الوحده صاحبى
والغربه ليها اخدتنى وجواها سجنتنى
غريبه عن نفسى لقيتنى
عن اهلى بعدتنى
فى سجن العمر عايشه لقتنى
لا فرحه زارتنى
ولا بسمه شفايفى شافتها
حتى دموعى يا غلبها منى
معايا ظلمتها وصاحبتنى سنين عمرى
تعبت وتعبت معايا وركبنا
موجة الحزن
وغرقنا فى دوامة العمر
الحزن ليه دايما مصاحبنا
ليه دايما مش راضى يفارقنا
ليه انكتب علينا جواه نعيش
يبقى ظلنا وطريقنا
ليه يا فرحه مش راضيه عنا ترضى
تيجى فى يوم وتصالحى قلوبنا
تملى علينا دنيتنا
تنورى حياتنا
ترسمى البسمه على شفايفنا
تدينا الامل فى بكره
تحينا من غربتنا
ده انتى املنا اللى عايشين عليه
يجى فى يوم يزورنا
ويسكن قلوبنا
No comments:
Post a Comment