بيك الدنيا صالحتنى...نهى هيكل

الحب كله عيشته فيك

حبيته واتمنيت اكون ليك

عيشته بكل ما فيه

وانا عايشه ليك

يا حبيبى قول للدنيا حبيت الحب فيك

ولقيته اجمل بيك

حسيته لما قلبى حس بيه وبيك

يا دنيا سيبينى احب ده العمر منى بيجرى

مابقاش فيه يا دنيا

صالحينى وكفايه العمر خاصمتينى

سيبيلى اللى باقى من عمرى

اعيش الحب فى قلب به هديتنى

بلاش تسرقى منى الفرحه

ده انا ما صدقت

فرحت والحب سرق منى

القلب وخلانى فيه دايبه

يا حبيبى قول للدنيا

ده الحب بنعيشه فى العمر مره

خلى الدنيا تسيبنا

فى حالنا

خليها ما تسرقش منا اللحظه

ده العمر يا حبيبى لحظة حب

مش كل يوم حنعيشها

ده انا بيك حسيت انى اتخلقت من تانى

اتكتبلى عمر تانى

ده انا قبلك ما شفت ولا يوم فرحه

كنت عايشه لكن حزينه وعينيا كانت

باكيه

طريق حياتى مشيته فى ليل طويل
لا قلب يحس بيا ولا حتى صديق

يسأل عليا
ولما قابلتك
لقتنى ليك اتشديت

وبكل حب قلبى عليك ناديت

جريت عليك وحضنت الحب

فيك

ده انا قلبى للحب كان عطشان

واول ما شافاك فيك لقاه

ندهله ومنه قرب

حضنه وقاله اسقينى منك

ده انا عطشان اروى عطشى

ارق من النسمه لقيت حبك

اجمل ملاك فيك شفته
حلوه الايام حتكون بيك انت

واحلى ما فيها حبك ليا

عطر حبك حيعطر ليالينا

واحلى كلام بينا حتقولوا عينينا

كل ليله وكل يوم بيك حيتجدد

الحب فينا

يا احلى قدر ونصيب اتكتبلى

بعد عمرعدى حزين 

وبيك الدنيا صالحتنى