حبيت يا زمانى
ولا كانش الحب فى بالى
جانى فى يوم خبط
على بابى
احترت واحتار معاه دليلى
سالت قلبى
ايه رايك فى اللى جانى
الحب ده ماله ومالى
كنت نسياه وتاه منى
كنت مرتاحه ومرتاح معاى بالى
قوللى يا قلبى
اعمل ايه انا حيرانه وخايفه
من اللى منه ممكن يجرالى
كتير قالوا عليه بحره غريق
ده بجد الحب خطير
ده مالوش امان فى اى زمان
ده غدار
خفت
وقلت ابعد
عنه
واريح بالى منه وقلبى
لكن
يا
قلبى الحب ده بجد
طلع مكار
وقعنى... وقعنى فيه
خلانى استسلم بسهوله ليه
اخدنى لدنيا غير الدنيا
دنيا شفت فيها اجمل ما فيها
قلب حبيبى ده احلى ما فيها
قلب حنين طيب
ابيض ناصع لؤلؤه غاليه
حبه ليا نسانى الدنيا
خلانى احس انى بجد عايشه
اقدر احب وكمان اتحب
ادانى الامان اللى كنت بادور عليه
من زمان
اخدنى فى حضنه ودفانى بحبه
عيشنى فى جنة قلبه
جنه
كنت باتمنى فى يوم ادخلها
قلبه ده قلب
مالوش زى
الحب فيه لقيته غير اللى اتحكى فيه
الحب ده اجمل ما فى الكون
لقيته فى وسط الطريق
خلانى احس ان قلبى قادر يحب
وكمان يتحب
يا دنيا اخيرا صالحتينى
وبقلبه هديتينى
ده اغلى هديه ربى هدانى بها
بعد ما كنت عايشه وحيده
No comments:
Post a Comment