بقلبى حتفضل
مهما
العمر بيا يعدى
تفرق ما بينا الايام
تفصل ما بينا شهور
برده بقلبى حبك حيفضل
مهما البعد بينا يطول
باهواك وهواك جوايا بيجرى
فى دمى
باعشقك يا ادفى حضن
اخدنى ليه وخلانى اسكن فيه
حلم كنت ليا
اتمنيته
فى يوم يبقى حقيقه
سنين عدت عليا غير الحزن والله
ما شافت عينيا
فى احلامى
كنت باشوف الفرحه فيك وبيك
كنت باحسك معايا
جنبى
مش بعيد عنى
كنت باشوف فيك الدنيا حلوه
قبلك
عمرى ما شوفتها حلوه
كنت باحس بانفاسك زى النسمه
جايه عليا بتصحينى فى حلمى
بتلمس ايديا وباضمها اوى ليا
كانت بتحينى بتخلينى اسعد
واحده فى الدنيا
كانت بتحببنى فى الدنيا
حتى نبضك كنت فى حلمى حساه
نغمه كنت باسمعها بقلبى
باحسها بترقص جوايا
بتسعدنى بتفرحنى
وجودك فى احلامى بيخلينى
اعشق احلامى
اعشق الليل لانى فيه باحلم دايما بيك
كل يوم جوايا بادور عليك
قلبى بالاقيه بيشدنى ليك
بياخدنى لاحلامى بياخدنى ليك
بياخدنى لاحضانك
لاشواق عينيك
كنت باسافر ليك جوه عينيك
بشوقى وحبى ولهفة قلبى عليك
ده ه انت حلمى اللى كنت من زمان
بادور عليه
واخيرا لقيته فيك
No comments:
Post a Comment